Í íþóttahúsinu er líf og fjör alla daga! 

Laugardaginn 16. desember árið 2000 var nýtt og glæsilegt íþróttahús Snæfellsbæjar vígt.
Byggingin er öll hin glæsilegasta, formið er látlaust og var lögð áhersla á að láta það falla vel inn í umhverfið og nýta halla í lóðinni. Húsið er 2.320 fermetrar eða 16.600 rúmmetrar og sæti eru fyrir u.þ.b. 450 áhorfendur.

Löglegir keppnisvellir eru fyrir handbolta, blak, körfubolta og badminton. Æfingavellir eru nokkrir fyrir þessar greinar auk góðrar aðstöðu fyrir frjálsar íþróttir, þ. á m. stangarstökk. Gott aðgengi er fyrir fatlaða og lyfta milli hæða.

Tveir fjölnotasalir eru í húsinu sem munu nýtast sem kennslustofur í Snæfellsbæ. Í fordyrinu er dagsbirtan nýtt til hins ýtrasta og henni leyft að leika um óhindrað með skilrúmum og veggjum úr gleri. Verktakafyrirtækið Skipavík hf. í Stykkishólmi byggði húsið, arkitektastofan Gláma/Kím sá um hönnun en verkfræðihönnun var í höndum Fjarhitunar hf. Rafmagnshönnun annaðist Raftákn hf. á Akureyri.

Upplýsingar

Íþrótta- og æskulýðsfulltrúi er
Sigrún Ólafsdóttir.
Sími: 894-2446

Íþróttahúsið er staðsett að
Engihlíð 1, 355 Snæfellsbær
Sími: 433 9912
Netfang: sigrun@snb.is

Nánari upplýsingar!

Hér erum við til húsa

Myndir

  • ]