FrystiklefinnFrystiklefinn er fjölnota leikhús og menningarmiðstöð í Rifi, 150 manna bæjarkjarna innan marka Snæfellsbæjar. Þetta 600 fm2 húsnæði, sem fyrr gengdi hlutverki rækjuvinnslu, gegnir nú hlutverki listamannsaðseturs fyrir einstaklinga eða hópa. Nú er svo komið að innan veggja Frystiklefans er öll grunnastaða fyrir æfingar og uppsetningar á hverskonar listviðburðum til staðar. Hlutverk Frystiklefans er fyrst og fremst að veita skapandi listamönnum aðstöðu og athvarf til að sinna verkefnum sínum í rólegu umhverfi og teljum við að hvergi sé betra fyrir listamenn að virkja sköpunargáfu sína en einmitt hér undir jökli. Ef þú hefur áhuga á því að komast í kyrrðina og notfæra þér þá frábæru aðstöðu sem Frystiklefinn hefur uppá að bjóða, hafðu þá endilega samband við okkur í síma 865-9432 eða sendu okkur netpóst á póstfangið frystiklefinn@frystiklefinn.is.

 

Heimasíða Frystiklefans

Frystiklefinn er á facebook