Monthly Archives

April 2020

Ljósmyndasamkeppni Snæfellsbæjar 2020

By Fréttir

Í tilefni sumars og hækkandi sólar efnir Snæfellsbær til ljósmyndasamkeppni í fyrsta sinn.

Menningarnefnd Snæfellsbæjar heldur utan um verkefnið ásamt markaðs- og upplýsingafulltrúa og hefur verið ákveðið að þemað í fyrstu samkeppninni verði einfalt; Sumar í Snæfellsbæ.

Þemað er vítt skilgreint og tækifæri fyrir áhugafólk um ljósmyndun til að láta ljós sitt skína. Lifandi mannlíf eða blómstrandi náttúra, Snæfellsjökull í allri sinni dýrð, listrænar myndatökur, landslagsmyndir eða sólsetur við Breiðafjörðinn. Það er allt opið og bundið skilgreiningu ljósmyndara á því hvað sé sumarlegt.

Mögulegt er að senda inn myndir frá 1. maí til og með 31. júlí nk. Vegleg verðlaun verða veitt fyrir þrjár bestu myndirnar. Ath. það þarf ekki að taka nýjar myndir heldur má senda myndir úr safni einstaklinga.

Að keppni lokinni verða allar myndir til sýnis á vefsíðu Snæfellsbæjar og með þátttöku í ljósmyndasamkeppninni veita þátttakendur leyfi til þess að myndirnar verði notaðar sem kynningarefni fyrir Snæfellsbæ.

Snæfellsbær hvetur íbúa og aðra sem leið eiga um sveitarfélagið til að taka þátt, deila myndum sem víðast á samfélagsmiðlum og senda á neðangreint netfang til Snæfellsbæjar.

Það geta allir tekið þátt!

Reglur:

  • Þema keppninnar er Sumar í Snæfellsbæ.
  • Mynd verður að vera tekin innan sveitarfélagsmarka Snæfellsbæjar.
  • Ekki er heimilt að senda inn myndir sem bundar eru höfundarrétti annars en þátttakanda.
  • Hver þátttakandi má senda inn að hámarki fimm myndir.
  • Senda myndir á ljosmyndasamkeppni@snb.is
  • Skilafrestur er til miðnættis 31. júlí 2020.

Óskað eftir afleysingu við ræstingar í Ráðhús Snæfellsbæjar

By Fréttir

Starfskraft vantar í afleysingar við ræstingar í Ráðhúsi Snæfellsbæjar.

Viðkomandi þarf að geta hafið störf sem allra fyrst.

Starfshlutfallið er 50% og felst það í ræstingum í ráðhúsinu að Klettsbúð 4 ásamt umsjón með veitingum á fundum í fundarsal ráðhússins. Einnig þyrfti viðkomandi að geta leyst af í afgreiðslu ráðhússins ef á þarf að halda.

Vinnutími er annað hvort frá kl. 8:00 – 12:00 eða 12:00 – 16:00, en getur verið sveigjanlegur eða samkvæmt samkomulagi.

Laun eru greidd skv. kjarasamningi Sambands íslenskra sveitarfélaga við Starfsmannafélag Dala- og Snæfellsnessýslu.

Nánari upplýsingar gefur bæjarritari í síma 433-6900 og á netfanginu lilja@snb.is.

Umsóknarfrestur er til og með 6. maí 2020. 

Grunnskóli Snæfellsbæjar auglýsir þrjár stöður kennara lausar til umsóknar

By Fréttir

Frá vígslu Kára studio í Grunnskóla Snæfellsbæjar. Mynd: Skessuhorn

Grunnskóli Snæfellsbæjar auglýsir þrjár stöður kennara lausar til umsóknar.

Grunnskóli Snæfellsbæjar er þriggja starfstöðva grunnskóli með um 240 nemendur. Starfstöðvar hans eru í Ólafsvík, á Hellissandi og á Lýsu. Grunnskóli Snæfellsbæjar er heilsueflandi grunnskóli sem hlotið hefur umhverfisvottunina Grænfánann. 

Auglýst er eftir:

  • Kennara í hönnun og smíði, 100% starf
  • Kennara í heimilisfræði, 50% starf
  • 100% tímabundna stöðu umsjónarkennara á unglingastigi, meðal kennslugreina eru íslenska og samfélagsfræðigreinar

Menntunar- og hæfniskröfur

  • Leyfisbréf
  • Reynsla af uppeldis- og kennslustörfum
  • Hæfni í mannlegum samskiptum og góðir skipulagshæfileikar
  • Reynsla af teymisvinnu og áhuga á þróunarstarfi
  • Góð íslenskukunnátta er skilyrði

Laun eru samkvæmt kjarasamningi KÍ og Launanefndar sveitarfélaga.

Í samræmi við jafnréttisstefnu Snæfellsbæjar eru karlar jafnt sem konur hvött til að sækja um.

Umsóknir sendist fyrir 6. maí 2020 til skólastjóra Grunnskóla Snæfellsbæjar þar sem fram koma upplýsingar um menntun, réttindi og starfsreynslu.

Umsóknir sendist á netfangið hilmara@gsnb.is eða í pósti á neðangreint heimilisfang:

Grunnskóli Snæfellsbæjar,
Ennisbraut 11,
355 Snæfellsbæ

Frekari upplýsingar veitir Hilmar Már Arason í síma 894 – 9903 eða hilmara@gsnb.is.

Nánari upplýsingar um skóla má finna á heimasíðu skólans:

Heimasíða Grunnskóla Snæfellsbæjar

Stóri plokkdagurinn í Snæfellsbæ – 25. apríl

By Fréttir

Snæfellsbær hvetur alla íbúa til að taka þátt í hreinsun og fegrun umhverfisins af tilefni degi umhverfisins þann 25. apríl næstkomandi.

Stóri plokkdagurinn verður einnig á laugardaginn og af því tilefni ætlar Snæfellsbær að blása til vorhreinsunar í sveitarfélaginu. Vonast er til þess að íbúar taki vel í verkefnið og plokki rusl í sínu nærumhverfi.

Hægt verður að skilja sorp eftir við áhaldahúsið í Ólafsvík og gömlu slökkvistöðina á Hellissandi. Athugið að allt sorp verður að fara í poka. Ekki skilja eftir lausamuni eða annað slíkt.

Snæfellsbær útvegar glæra poka sem hægt verður að nálgast í Olís Ólafsvík og Hraðbúðinni á Hellissandi á opnunartíma. Á laugardögum er opið frá kl. 10:00 14:00 í Olís og 11:00 – 19:00 í Hraðbúðinni.  Kjósi einhverjir að fara sjálfir með það sorp sem safnast er minnt á að opið er á starfsstöð Terra umhverfisþjónustu frá kl. 11:00 – 15:00 á morgun, laugardag.

Nú er akkúrat tíminn til að plokka þar sem rusl er áberandi, snjórinn farinn og gróðurinn að taka við sér. Það gerir ruslatínslu auðveldari og kjörið tækifæri til að hreyfa sig og fegra umhverfið í leiðinni. Sýnum umhverfinu og samfélaginu kærleik og plokkum eins og vindurinn!

Athugið: Vegna samkomubanns þarf að fylgja gildandi reglum um fjölda í hóp og fjarlægð á milli þátttakenda í hreinsunarátakinu.

Nokkur góð ráð til plokkara frá Terra umhverfisþjónustu:

  • Útvega sér ruslapoka, hanska og plokktöng. Gott er að nota glæra poka poka til að hægt sé að sjá með einföldum hætti hvað leynist í pokunum.
  • Hægt er að endurvinna efni á borð við pappa og plast sé það þurrt og laust við matarleifar. Þá þurfi hins vegar að halda því aðskildu og koma því í viðeigandi farveg.
  • Klæða sig eftir aðstæðum.
  • Virða samkomubannið og gæta að tveggja metra reglunni.
  • Mikilvægt er að gæta fyllstu varúðar og brýna fyrir börnum að láta nálar og aðra hættulega hluti vera, en tilkynna til foreldra eða umsjónarmanna svo mögulegt sé að fjarlægja þá.

Opið útboð vegna framkvæmda við búsetukjarna fyrir íbúa með fötlun

By Fréttir

Verkís hf., fyrir hönd Félags- og skólaþjónustu Snæfellinga, óskar eftir tilboðum í framkvæmd við búsetukjarna fyrir íbúa með fötlun við Ólafsbraut í Ólafsvík.

Um er að ræða byggingu á einni hæð með fimm íbúðum. Íbúðakjarninn verður 440 m² og mun rísa þar sem nú eru lóðirnar Ólafsbraut 62 og 64. Þann 10. mars sl. var hafist handa við að rífa eldri mannvirki sem stóðu á lóðunum til að rýma fyrir nýja húsinu.

Í íbúðakjarnanum verða fimm einstaklingsíbúðir með sérinngangi ásamt starfsmannaaðstöðu. Íbúðirnar verða tveggja herbergja, á bilinu 54 til 56 fermetrar að stærð og standa saman af alrými með eldhúskróki og stofu, svefnherbergi, rúmgóðu baði, geymslu og þvottarými. Einn aðalinngangur er inn í bygginguna en þar undir þaki er nokkurs konar „innigata“. Frá henni er gengið inn í hverja íbúð fyrir sig. Útgengt er á veröld við hverja íbúð. Starfsmannarými er í húsinu og hugmyndin er sú að íbúar geti leitað til starfsfólks án þess að fara undir bert loft.

Staðsetning hússins var valin með það fyrir augun að stutt sé í alla helstu þjónustu, ekki síst Smiðjuna, sem er dagþjónusta og vinnustofa fyrir fólk með skerta starfsgetu. Það er teiknistofan AVH á Akureyri sem hannar húsið.

Verkís hf., fyrir hönd Félags- og skólaþjónustu Snæfellinga, óskar nú eftir tilboðum í framkvæmdina.

Verkið nær til fullnaðarfrágangs alls verksins. Verktaki skal steypa grunn, reisa hús, innrétta, ganga frá utanhúss sem og innan og fullgera húsið samkvæmt útboðsgögnum.

Verktaki tekur við byggingarsvæði í núverandi ástandi. Búið er að fylla undir undirstöður, fylla í bílastæði og girða athafnarsvæði og setja upp hlið inn á vinnusvæðið.

Verklok á heildarverki eru 30. ágúst 2021.

Vettvangsskoðun verður haldin á verkstað 27. apríl kl. 11.00.

Tilboðum skal skila rafrænt á netfangið anmt@verkis.is fyrir kl. 13.00, 11. maí 2020. Tilboð verða opnuð á fjarfundi kl. 13.30, 11. maí 2020.

Útboðsauglýsingu VERKÍS má sjá hér

Stefán Jónsson ráðinn garðyrkjufræðingur hjá Snæfellsbæ

By Fréttir

Stefán Jónsson hefur verið ráðinn garðyrkjufræðingur hjá Snæfellsbæ. Stefán hóf störf fyrr í vikunni og hefur nýtt fyrstu dagana í að klippa gróður og undirbúa fyrir sumarið, m.a. á Hellissandi og við Dvalar- og hjúkrunarheimilið Jaðar í Ólafsvík.

Stefán er Vestlendingur í húð og hár, fæddur og uppalinn á Deildartungu í Reykholtsdal, og fluttist hingað nýverið til að taka við starfinu. Áður hefur hann m.a. starfað hjá EFLU verkfræðistofu þar sem hann hélt utan um viðhald á stofnanalóðum og leikvöllum Reykjavíkurborgar og sem garðyrkjustjóri hjá Golfklúbbi Reykjavíkur.

Stefán er með B.S. gráðu í landslagsarkitektúr frá Landbúnaðarháskóla Íslands og meistaragráðu í sama fagi frá Konunglega danska landbúnaðarháskólanum í Kaupmannahöfn. Hann lét ekki þar við sitja og hefur undanfarin ár numið skrúðgarðyrkjufræði við Landbúnaðarháskóla Íslands, hvaðan hann útskrifast sem skrúðgarðyrkjufræðingur á næstu vikum. Talandi um að geta blómum á sig bætt.

Við óskum Stefáni til hamingju með starfið og bjóðum hann hjartanlega velkominn til Snæfellsbæjar.

Heimsóknir leyfðar á Jaðar frá 4. maí með takmörkunum

By Fréttir

Heimsóknir verða leyfðar inn á Dvalar- og hjúkrunarheimilið Jaðar með ákveðnum takmörkunum frá og með 4. maí næstkomandi. Þó mikið hafi áunnist í baráttunni gegn COVID-19 erum við ekki komin í höfn og sýna þarf ítrustu varkárni og virða sóttvarnaráðstafanir í heimsóknum. Einnig er nauðsynlegt að takmarka þann fjölda sem kemur inn í heimilið á hverjum tíma. Vonir eru bundnar við að heimsóknir verði rýmkaðar enn frekar í júní 2020.

Eftirfarandi heimsóknarreglur verða í gildi frá 4. maí. Aðstandendur eru beðnir að kynna þær sér vel.

  1. Ekki panta heimsóknartíma og alls ekki koma í heimsókn ef:
    • Þú ert í sóttkví.
    • Þú ert í einangrun eða að bíða eftir niðurstöðu úr sýnatöku.
    • Þú hefur verið í einangrun og ekki eru liðnir 14 dagar frá útskrift.
    • Þú ert með einkenni (kvef, hósta, hita, höfuðverk, beinverki, þreytu, kviðverki, niðurgang o.fl.).
  2. Heimsóknartími er frá kl. 10:00 – 16:00 eða eftir samkomulagi.
  3. Hafið samband í síma 433 – 6932 og pantið heimsóknartíma. Til að byrja með einskorðast heimsóknir við eina heimsókn á viku. Ef vel gengur í baráttunni við veiruna, verður tíðni heimsókna aukin.
  4. Við hvetjum ykkur til að hlaða niður í símana ykkar smitrakningnarappi almannavarna Rakning C-19 fyrir 4. maí. Smella hér til að fræðast um appið og ná í það.
  5. Hinkrið eftir starfsmanni á tilgreindum inngöngustað. Starfsmaður fylgir ykkur til íbúa.  Munið að þvo og/eða spritta hendur áður en heimsókn hefst og að henni lokinni. Ekki koma við neitt í almannarýmum, farið beint inn til íbúa og beint út aftur.
  6. Athugið að heimsóknin er til ættingja þíns, staldrið ekki við til að ræða við aðra íbúa, ættingja eða starfsfólk.
  7. Virðið 2ja metra regluna og forðist snertingu við íbúa eins og hægt er.

Aðrar breytingar sem verða frá 4. maí á starfsemi innan hjúkrunarheimila:

Hárgreiðsla og hársnyrting/fótaaðgerð og fótsnyrting: Er aðeins leyfð fyrir heimilismenn á hverjum tíma. Gæta þarf vel að aðskilnaði íbúa frá utanaðkomandi gestum. Almenna reglan er áfram að einstaklingar í sama sóttvarnahólfi fái þjónustu á sama tíma.

ATHUGIÐ: Ef smit vegna COVID-19 aukast aftur, eða smit vegna annarra smitsjúkdóma, munu tilslakanir á heimsóknarbanni ganga til baka og reglur verða hertar á ný.

Óskað eftir umsóknum í vinnuskóla sumarið 2020

By Fréttir

Snæfellsbær óskar eftir umsóknum um störf í skemmtilegri og lærdómsríkri sumarvinnu við vinnuskóla Snæfellsbæjar í sumar.

Vinnuskólinn verður starfræktur frá 8. júní til 17. júlí.

  • Nemendur í 8. bekk starfa í fjórar vikur, frá 8. júní – 3. júlí. Daglegur vinnutími frá kl. 8:00 – 12:00.
  • Nemendur í 9. og 10. bekk og unglingar í árgangi 2003 starfa í sex vikur, frá 8. júní – 17. júlí. Daglegur vinnutími frá 8:00 – 16:35 með klukkustundarlöngu hádegishléi.

Athugið: Nemendur í 10. bekk og unglingar í árgangi 2003 þurfa að skila rafrænum persónuafslætti og greiða í lífeyrissjóð. Iðgjöld reiknast frá næstu mánaðarmótum eftir 16 ára afmælisdag.

Vinnuskólinn er eingöngu ætlaður fyrir börn sem eiga lögheimili í sveitarfélaginu eða eiga foreldri með lögheimili í sveitarfélaginu.

Umsóknarfrestur er til og með 17. maí nk. Ekki er tekið við umsóknum eftir að umsóknarfrestur hefur liðið.

Nemendur vinnuskóla mæta á eftirfarandi staði, fer eftir búsetu:

  •  Ólafsvík – Áhaldahús Snæfellsbæjar
  • Hellissandur – rúta fer frá Grunnskólanum á Hellissandi
  • Rif – rúta fer frá strætóskýlinu efst í Háarifi

Reglur vinnuskólans eru einfaldar og skýrar:

  •  Mæta skal á réttum tíma á réttum stað.
  • Sýna skal flokkstjórum kurteisi.
  • Einelti er ekki liðið.
  • Notkun tóbaks er bönnuð. Reykingar, munntóbak, vape og önnur vímuefni.
  • Notkun farsíma er bönnuð enda er ekki tekin ábyrgð á þeim á vinnutíma.
  • Öll forföll þarf að tilkynna til verkstjóra.
  • Leggja þarf til allan vinnufatnað og galla en vinnuskóli leggur til öryggisvesti.
  • Ætlast er til að krakkar mæti með nesti. Ekki er leyft að yfirgefa vinnustað í pásum.
  • Klæðnaður skal hæfa veðri og eðli vinnunnar.

Umsóknareyðublað er hægt að nálgast í Ráðhúsi Snæfellsbæjar eða hér að neðan.

Umsækjendur eru beðnir að senda umsókn á valgerdur@snb.is eða skila henni í Ráðhús Snæfellsbæjar.

Od burmistrza, 17 kwietnia 2020

By Covid-19, Fréttir, Informacja

Szanowni mieszkańcy

W weekend wielkanocny otrzymaliśmy dobre wiadomości, że epidemia Covid-19 maleje na Islandii. Dzisiaj w piątek 17 kwietnia, w Snæfellsbaer nie zdiagnozowano Covid-19 u żadnej nowej osoby. Od czasu wybuchu epidemii zdiagnozowano tylko jeden przypadek zakażenia, co jest również dobrą wiadomością. W całej zachodniej Islandii objętych izolacją jest 11 osób a kwarantanną 37 osób. Tutaj a terenie Snæfellsnes zostało zainfekowanych 6 osób.

Chociaż epidemia maleje, jasne jest, że zakaz zgromadzeń w obecnej formie obowiązuje do 4 maja, po czym zaczną obowiązywać nowe i swobodniejsze zasady. Niektóre ograniczenia zostaną zniesione, a inne zmienione. Oczywiste jest, że sale gimnastyczne i baseny pozostaną zamknięte po 4 maja i nadal niewiadomą jest , kiedy będą ponownie otwarte. Jednak po 4 maja ćwiczenia sportowe dla dzieci i młodzieży będą dozwolone w mniejszych grupach i wkrótce dostarczymy dalszych wskazówek.

Mówi się o złagodzeniu zakazu odwiedzin w domach spokojnej starości, ale nie ma wciąż żadnych zasad/instrukcji o wprowadzeniu tych zmian w życie. Wyślemy powiadomienie, gdy tylko te instrukcje będą dostępne.

Zgadzam się z trio Víði, Þórólfi i Ölmu, że zniesienie ograniczeń rozpocznie się 4 maja ale ten dzień jeszcze nie nadszedł. Musimy nadal przestrzegać obowiązujących zasad i zakazu spotkań. Musimy także nadal myć ręce, dezynfekować i przestrzegać limitów odległości. Dobrze poradziliśmy sobie w walce z wirusem, ale to zadanie nie zostało jeszcze ukończone i musimy nadal się starać i uważać.

Wczoraj Departament Ochrony Ludności wydał zalecenie dla naszych gmin, w którym zachęca do uświadomienia rodziców, aby dzieci i młodzież nie gromadziły się na placach zabaw. Wpłynęły doniesienia , że dzieci gromadzą się w grupach na boiskach, m.in. tutaj u nas. Jest to surowo zabronione i niezwykle ważne jest aby rodzice uświadomili to swoim dzieciom.

Wiem, że nie jest to łatwe, zwłaszcza teraz, gdy nadchodzi wiosna i pojawiają się słoneczne dni. Ale ten przeklęty wirus o to nie pyta i musimy znaleźć sposoby na cieszenie się pogodą i przyrodą bez grupowania się. Jednak możemy być zadowoleni z faktu, że nie obowiązuje zakaz opuszczania domu, jak w wielu innych krajach.

W dzisiejszych czasach naprawdę bardzo satysfakcjonujące są prawdziwe oznaki wiosny widoczne wśród wszystkich ludzi w Snæfellsbaer, którzy  odbywają ruch na świeżym powietrzu w celach zdrowotnych. Jest to przykład godny naśladowania, ponieważ ruch i aktywność na świeżym powietrzu są ważne zarówno dla zachowania zdrowia fizycznego, ale nie mniej, a może nawet bardziej dla zdrowia psychicznego. Dlatego zachęcam wszystkich do kontynuowania tej ścieżki poprawy zdrowia i samopoczucia w tych ciężkich czasach.

Jeszcze raz chciałbym podziękować wszystkim ludziom, którzy dołożyli starań i trudu w tych trudnych warunkach, aby nasza społeczność mogła tak dobrze funkcjonować. Przeżywanie obecnego czasu jest niesamowite, to poczucie solidarności i współczucia w społeczeństwie, zarówno tutaj w Snæfellsbær, jak i w całym kraju. Niesamowite jest także zaobserwowanie sposobności dostosowania się oraz odczucie siły i zaradności osób pracujących zarówno dla gminy a także w firmach, które szukają nowych sposobów, gdy inne się drogi zamykają się z powodu obecnej sytuacji.

Pokonamy to burzliwe morze i zrobimy to razem. Pragnę zachęcić mieszkańców, aby nadal trzymali się razem i wspierali naszych ludzi. Skutki epidemii są ogromne dla wielu firm w naszym społeczeństwie, podobnie jak w innych miejscach. Dlatego wielu ludzi boryka się teraz z niepewnością, brakiem bezpieczeństwa i obawami dotyczącymi wpływów (zysków firm). Możemy pomóc, robiąc zakupy w swoim miasteczku i wspierając w ten sposób  naszych ludzi.

Zachowajmy radość, pozytywne nastawienie jest bardzo ważne, zwłaszcza teraz. Wiosna nadchodzi z całą swoją magią i pozwolę sobie wierzyć, że po niej nastąpi słoneczne i dobre lato. Dzisiaj kończę mój biuletyn pięknym wierszem o wiośnie. Autor: Jón Hallgrímsson.

Vorið góða, grænt og hlýtt,
græðir fjör um dalinn,
allt er nú sem orðið nýtt,
ærnar, kýr og smalinn.

Kveður í runni, kvakar í mó
kvikur þrastasöngur;
eins mig fýsir alltaf þó:
aftur að fara’ í göngur. 

Kristinn Jónasson, burmistrz