Skip to main content

Einstakur farandmatarmarkaður á Vesturlandi um helgina

Gott er að hafa mikinn mat og marga tyllidaga. Ljósmynd: Matarauður Vesturlands.

Matarmarkaður heim í hérað. Matarframleiðendur á Vesturlandi verða á ferðinni um Vesturland helgina 13. og 14. nóvember og halda einstakan farandmatarmarkað sem enginn ætti að láta fram hjá sér fara. Bílalestin verður í Snæfellsbæ laugardaginn 13. nóvember.

Í samstarfi við matarframleiðendur á Vesturlandi verður haldin farandmatarmarkaður helgina 13. og 14. nóvember 2021 í stað hefðbundins matarmarkaðs.

Matarhátíð sem halda átti á Hvanneyri næstkomandi laugardag hefur verið frestað vegna fjölda smita í samfélaginu. Hátíðin verður haldin síðar. Þess í stað verður lagt land undir fót og farið með bílalest hlaðna varningi framleiðenda um landshlutann. Þannig er farið með markaðinn heim í hérað til fólksins í stað hópamyndunar á einum stað.

Bílalestin byrjar í Snæfellsbæ og verður við Sjóminjasafnið á Hellissandi og Átthagastofu í Ólafsvík fyrir hádegi á laugardaginn. 

Eru íbúar hvattir til að taka vel á móti matarlestinni og nýta sér heimsóknina með því að bæta kræsingum frá Vesturlandi í búrið og kistuna fyrir hátíðina sem senn gengur í garð.

Nánari upplýsingar um viðburðinn og framleiðendur á vefsíðu Matarauðs Vesturlands.

Laugardagur, 13. nóvember

10:00 – 10:30 Hellissandur – Planið við Sjóminjasafnið.

11:00 – 12:00 Ólafsvík – Planið við Átthagastofu.

13:00 – 14:00 Grundarfjörður

15:00 – 16:00 Stykkishólmur

17:00 – 17:30 Breiðablik

Sunnudagur, 14. nóvember

10:00 – 11:00 Búðardalur

12:30 – 13:30 Hvanneyri

14:00 – 15:00 Borgarnes

15:30 – 16:00 Laxárbakki

16:30 – 18:00 Akranes