Skip to main content

Íbúafundur um sameiningarviðræður Snæfellsbæjar og Eyja- og Miklaholtshrepps

Samstarfsnefnd um sameiningu Eyja- og Miklaholtshrepps og Snæfellsbæjar boðar til íbúafundar þriðjudaginn 16. nóvember kl. 20:30.

Fundurinn er opinn öllum íbúum og fer fram í félagsheimilinu Breiðabliki í Eyja- og Miklaholtshreppi. Fundinum verður einnig streymt á Facebook-síðu Snæfellsbæjar. Slóð inn á streymið verður aðgengileg á vefsíðum sveitarfélaganna þegar nær dregur.

Á fundinum verður kynning á stöðu verkefnisins, umfjöllun um stöðu málaflokka í starfsemi sveitarfélaganna og mögulegar breytingar ef til sameiningar kemur. Samstarfsnefndin hvetur íbúa þess að taka þátt annað hvort með því að mæta á svæðið eða vera þátttakandi í gegnum fjarfundarbúnað, kynna sér málin og koma sínum sjónarmiðum á framfæri.

Á fundinum verður notað rafræna samráðskerfið menti.com svo allir sitji við sama borð, þ.e. þeir sem mæta á fundarstað og þeir sem fylgjast með streymi. Auk þess verður boðið upp á spurningar og ábendingar úr sal.

Til að taka þátt á menti.com þarf að hafa síma, snjalltæki eða tölvu og fara inn á síðuna menti.com. Slá þar inn töluröð sem gefinn verður upp á fundinum og þá opnast samráðskerfið.

Upptaka frá fundinum verður aðgengileg á heimasíðu verkefnisins, snaefellingar.is, að fundi loknum.

Við vonumst til að sjá sem flesta!