Fréttir

Skemmtiferðaskip við Ólafsvíkurhöfn

Skemmtiferðaskipið Hanseatic liggur nú fyrir utan Ólafsvík. Er þetta fyrsta skemmtiferðaskipið sem hefur viðkomu í Ólafsvík í fjöldamörg ár.

Hanseatic er fimm stjörnu skemmtiferðaskip sem skráð er á Bahamaeyjum, 123 metrar að lengd og 18 metrar að breidd. Um borð eru 154 farþegar og 121 í áhöfn. Flestir farþeganna eru frá Þýskalandi og fóru þeir í göngutúr um bæinn eða skipulagðar ferðir um Snæfellsnesið.  Þess má geta að Pakkhúsið opnaði fyrr í dag af þessu tilefni og tók á móti gestunum þegar þeir komu í land.

Skipið heldur sína leið um tvöleytið  í dag, en áætlað er að næsta skemmtiferðaskip komi til Ólafsvíkur þann 23. júní næstkomandi.