Uppbygging innviða á áningastöðum á Vesturlandi – könnun

14/11/2020 Fréttir

Nú stendur yfir vinna við endurnýjun Áfangastaðaáætlunnar Vesturlands og forgangsröðun verkefna í aðgerðaráætlun fyrir árin 2021 – 2023.

Fimmtudaginn 12. nóvember var rafræn netkynning á verkefninu og Áfangastaðaáætlun Vesturlands kynnt. Einnig var sagt frá þeim áhersluverkefnum sem unnið hefur verið að síðastliðin ár samkvæmt Áfangastaðaáætlun Vesturlands 2018 – 2020. Hér má horfa á kynninguna í heild sinni.

Í kjölfar fundarins var opnað fyrir vefslóðir að rafrænni kosningu þar sem íbúar geta gefið leiðbeinandi álit á forgangsröðun verkefna varðandi uppbyggingu innviða á áningastöðum og útivistarleiðum á sínu svæði á Vesturlandi. Með þessu móti geta íbúar á Vesturlandi tekið virkan þátt í að móta áherslur í verkefnaáætlun næstu þriggja ára.

Hér fyrir neðan má nálgast vefslóðir inn á leiðbeinandi kosningu fyrir hvert svæði á Vesturlandi. Íbúar eru beðnir um að svara þeirri könnun sem miðuð er að þeirra heimasvæði. Hægt er að taka þátt í könnuninni til miðnættis þriðjudaginn 17. nóvember. 

Kosning – Dalabyggð

Kosning – Snæfellsnes

Kosning – Borgarbyggð

Kosning – Sunnan Skarðsheiðar (Akraneskaupstaður, Hvalfjarðarsveit og Kjósahreppur)