Fréttir

Viltu hafa umsjón með félagsstarfi eldri borgara?

Starfskraft vantar til að hafa umsjón með félagsstarfi eldri borgara í samvinnu við aðra manneskju. Viðkomandi þarf að geta hafið störf um mánaðarmótin ágúst/september.

Greitt er fyrir vinnuna í tímavinnu og teljast það 64 klst. á mánuði í 9 mánuði á ári, en starfið stendur frá byrjun september til loka maí ár hvert.

Æskilegt er að umsækjandi geti bakað og sé vel handavinnufær.

Fastur vinnutími og viðverutími er á miðvikudögum frá hádegi og fram eftir degi í Félagsheimilinu Klifi þar sem félagsstarfið fer fram.

Laun eru skv. kjarasamningi Starfsmannafélags Dala- og Snæfellsnes og Sambands íslenskra sveitarfélaga.

Nánari upplýsingar veitir bæjarritari í síma 433-6900 og í netfanginu lilja@snb.is.

Umsóknarfrestur er til og með 22. ágúst 2019.