Lögð er áhersla á metnaðarfullt og lifandi skólastarf í Snæfellsbæ, meðal annars með átthagafræði. Í sveitarfélaginu er einn grunnskóli með þrjár starfsstöðvar, í Ólafsvík, á Hellissandi og á Lýsuhóli en sú síðastnefnda þjónar börnum í dreifbýlinu. Einnig er leikskóli í sveitarfélaginu, með tvær starfsstöðvar, Kríuból á Hellissandi og Krílakot í Ólafsvík. Leikskólasel er starfrækt í tengslum við skólann á Lýsuhóli. Skólinn á Lýsuhóli var frumkvöðull í umhverfisstarfi innan skólanna og fyrstur til að fá Grænfánavottun.

Í dag eru allir skólar sveitarfélagsins með Grænfána vottun og innan þeirra er unnið öflugt umhverfisstarf.

Nánari upplýsingar um skóla:

• Leikskóli Snæfellsbæjar
• Grunnskóli Snæfellsbæjar
• Tónlistarskóli Snæfellsbæjar
• Fjölbrautaskóli Snæfellinga