Jólatónleikar GÓSS í Ólafsvíkurkirkju

Árlegir jólatónleikar menningarnefndar Snæfellsbæjar verða haldnir í Ólafsvíkurkirkju laugardaginn 30. nóvember.

Hljómsveitina GÓSS skipa tveir af ástsælustu söngvurum landsins, þau Sigríður Thorlacius og Sigurður Guðmundsson, ásamt bassa- og gítarleikaranum knáa, Guðmundi Óskari. Þau halda áfram sinni jólahefð og reiða fram sérstaka hátíðardagskrá á ljúfri og notalegri kvöldstund þar sem reynt verður að nálgast hið sanna og hátíðlega inntak jólanna.

Tónleikarnir hefjast kl. 20:00 og fæst aðgangur að herlegheitunum gegn greiðslu miðaverðs upp á 2000 krónur. Forsala í Jólaþorpinu sem haldið verður 28. nóvember.