Piparkökudagurinn

Hinn árlegi piparkökudagur fyrir 1. - 10.bekk í Grunnskóla Snæfellsbæjar verður haldinn laugardaginn 30. nóvember í húsnæði grunnskólans í Ólafsvík og á Hellissandi.

Bakað verður frá kl. 09:00 til 13:00. Ekki þarf að skrá sig, heldur mætir hver og einn á þeim tíma og á þann stað sem hann óskar.

Piparkökudagurinn er hefðbundinn. Fjölskyldan mætir í skólann með svuntur, kökukefli, piparkökumót, spaða, kökubox og góða skapið.

Hver skammtur af kökudeigi kostar 500 kr. eins og áður. Boðið er upp á glassúr til að skreyta með og gott er að koma með ofnskúffu til að setja piparkökurnar í á meðan glassúrinn er að þorna.