Samtal við Félag ferðaþjónustubænda og Hey Iceland

Á þriðjudaginn 6. nóv. verðum við með tvo fundi á Vesturlandi fyrir félaga okkar í Hey Iceland, en jafnframt eru aðrir ferðaþjónustuaðilar á svæðinu velkomnir til fundar.

Þessir tveir fundir eru upphaf fundaferðar um landið á vegum Félags ferðaþjónustubænda en auk meðlima í stjórn félagsins verða fulltrúar frá ferðaskrifstofunni Hey Iceland með í för. Dagskrá hvers fundar er að eiga samtal við félagsmenn og ræða það sem þeim liggur á hjarta varðandi málefni ferðaþjónustunnar og að vera hluti af Hey Iceland fjölskyldunni. Þá er einnig farið yfir það helsta sem er á döfinni á ferðaskrifstofu Hey Iceland í Síðumúla 2.