Fræðslunefnd
208. fundur
25. maí 2021 í Ráðhúsi Snæfellsbæjar frá kl. 20:00 – 21:30.
Fundinn sátu: Monika, Auður, Linda, Hermína, Kristgeir, Sigrún og Þorbjörg. Elfa mætir kl. 20:30 sem staðgengill Hilmars.
Fundargerð ritaði: Sigrún Erla
Sækja fundargerð
Dagskrá:
1. Leikskólinn
Hermína kemur inn sem nýr leikskólastjóri og Linda sem nýr aðstoðarleikskólastjóri.
Hermína leggur fram leikskóladagatal 2021-2022.
Í vor verður ekki opið hús þegar útskriftirnar fara fram vegna faraldurs.
Verið er að auglýsa eftir starfsfólki á ungbarnadeildina á Hellissandi. Tveir starfsmenn þar hafa sagt upp og hætta í sumar.
Leikskólinn lokar 7.júlí í 5 vikur.
Verið er að leggja lokahönd á ársskýrsluna sem þarf að skila inn í september.
Hermína, Auður og Linda yfirgefa fundinn kl 20.30 og Elfa kemur.
2. GSNB
Elfa kemur sem staðgengill Hilmars.
Skólaslit 8.júní. 10.b. útskrifast kvöldið áður. Skólaslitin verða á hverri starfsstöð. 29 nemendur að útskrifast, 16 að koma nýir inn í haust.
Skólinn ætlar að gefa öllu starfsfólki leikhúsmiða eftir krefjandi covid-ár.
18.ágúst n.k. verður starfseflingardagur fyrir starfsmenn grunnskólanna á Snæfellsnesi.
Skólinn ætlar ekki að leggja inn ritföng fyrir nemendur frá næsta hausti. Þau fá áfram stílabækur, möppur o.þ.h.
Kári húsvörður hætti í maí. Vagn Ingólfsson tók við af honum.
Allar starfsstöðvarnar fá Grænfánann í vor.
GSNB hefur fengið svokallaða „Pannavelli“, einn á hverja starfsstöð. Fjármagnað af íþrótta og æskulýðsnefnd.
Skóladagatalið lagt fram.
GSNB er kominn í samstarf við Brúarskóla í Reykjavík í formi ráðgjafar.
Elfa fer af fundi kl 21.15.
3. Skýrsla frá Valentinu lesin upp (tónlistarskólinn)
- – 12.maí fóru fram vortónleikar, 19.maí í Lýsuhólsskóla. Um 70% nemenda tóku vorpróf. Innritun í tónlistarskólann verður í lok ágúst.
