Framkvæmdateymi Snæfellsbæjar
6. fundur
4. október 2022 í Ráðhúsi Snæfellsbæjar frá kl. 09:00 – 09:55.
Fundinn sátu: Kristinn Jónasson, Ragnar Már Ragnarsson, Vagn Ingólfsson, Matthías Páll Gunnarsson, Björn Arnaldsson, Baldvin Leifur Ívarsson og Hilmar Már Arason. Ævar komst ekki.
Fundargerð ritaði: Lilja Ólafardóttir, bæjarritari.
Dagskrá:
1. Ævar sendi framkvæmdalista fyrir Áhaldahúsið.
- Lokið var við grindverk við leikskólann á Hellissandi.
- Reistir voru sökklar við Ólafsbraut 23.
- Verið er að hreinsa af öllum andyrum á Gufuskálum, bæði járn og einangrun.
- Verið er að slópa veggi að utan á grunnskólahúsnæðinu á Hellissandi.
- Búið er að skipta út 47 hausum á götulýsingunni.
- Verið er að mála grindverk þegar veður leyfir.
2. Björn fór yfir helstu framkvæmdir á höfnum Snæfellsbæjar:
- Framkvæmdir við þekju og lagnir á Norðurtanga í Ólafsvík halda áfram, lagnavinna er að mestu búin, unnið er við að steypa þekju og frágang á masturshúsi.
- Endurbætur á hafnarhúsinu í Ólafsvík halda áfram, búið er að skipta um þak og þakkant, glugga og útihurðir, búið er að einangra húsið að utan, setja áfellur á þakkant og rétta allt af. Húsið er tilbúið til klæðningar.
- Jarðvinnu við uppsátur í Rifshöfn er lokið og búið er að steypa smá gangstétt en eftir er að þökuleggja.
- Unnið var við dýpkunarframkvæmdir í innsiglingunni til Rifshafnar og búið að dýpka um 800 m3 þegar dýpkunarpramminn sökk við bryggju. Sjó var dælt úr prammanum og grafan hífð á land og er framkvæmdin stopp á meðan unnið er að viðgerðum á tækjum og búnaði verktakans, en verktakinn stefnir á að ljúka við verkið.
- Vegagerðin opnaði tilboð í sjóvarnarverkefni í Ólafsvík og á Hellnum 23.08. s.l. og bárust tvö tilboð, bæði yfir kostnaðaráætlun. Vegagerðin fór yfir tilboðin og fundaði með lægstbjóðanda og í framhaldi af því ákvað hún að hafna öllum tilboðum og bjóða verkið aftur út og þá í byrjun næsta árs.
- RARÍK hefur lokið við frágang við hafnarhúsið í Ólafsvík en steypa þurfti nýja gangstétt vegna lagningu á nýrri heimtaug að Norðurgarði.
