Íþrótta- og æskulýðsnefnd
84. fundur
16. janúar 2019 í félagsmiðstöðinni Afdrep frá kl. 20:00 – 21:30
Fundinn sátu: Sigrún Ólafsdóttir, Rán Kristinsdóttir, Daði Rúnar Einarsson, Atli Már Gunnarsson, Ása Gunnarsdóttir og Adam Geir Gústafsson.
Fundargerð ritaði:
Dagskrá:
1. Ungmennaráð
Bingó ungmennaráðs heppnaðist mjög vel. Rætt var möguleikann á að stofna sér bankabók fyrir þau. Gefur þeim tækifæri á að ráðstafa sínum fjáröflunartekjum sjálf.
2. Staðsetning ærslabelgja
Fjármögnun tveggja ærslabelgja var samþykkt á fjárhagsáætlun Snæfellsbæjar fyrir árið 2019. Rætt var um bestu mögulegu staðsetningu þeirra. Allir sammála um að hafa þá á grunnskólalóðinni í Ólafsvík og á Hellissandi. Ef ekki er hægt að koma ærslabelg fyrir á lóð grunnskólans í Ólafsvík þá er mögulega hægt að hafa hann á Sáinu eða fyrir neðan heilsugæsluna. Þá væri líka hægt að hafa mínigolf og frisbígolf á sama svæði.
3. Heilsuvikan
Stefnt á að hafa Heilsuvikuna í ár þann 8 til 15. mars. Byrjað að skipuleggja heilsuvikuna og margar hugmyndir ræddar. Talað um að hafa fjölbreytileg námskeið og fyrirlestra. Einnig rætt um að reyna að fá veitingstaði og verslanir í bæjarfélaginu til að taka virkan þátt í ár.
4. Önnur mál
Sirkus Íslands sendi tölvupóst um að fá að vera með sirkushátíð í bænum í ágúst. Mikill áhugi fyrir því að skoða það betur og fá nánari upplýsingar frá þeim um hvernig þetta fer fram.
