Íþrótta- og æskulýðsnefnd
97. fundur
19. janúar 2023 í íþróttahúsi Snæfellsbæjar í Ólafsvík frá kl. 17:00 – 17:45.

Fundinn sátu: Jóhanna Jóhannsdóttir, Patryk Zolobow, Margret Eva Einarsdóttir og Gylfi Freyr Karlsson.

Kristfríður Rós Stefánsdóttir (Íþrótta– og æskulýðsfulltrúi) og Margret Vilhjálmsdóttir forfölluðust á seinustu stundu og ekki tókst að boða varamann. Formaður hitti íþrótta– og æskulýðsfulltrúa og fékk upplýsingar sem hún fór svo með á fundinn.   

Fundargerð ritaði:

Sækja fundargerð

Dagskrá:

1. Umræður

• Verkefnið Heilsueflandi samfélag kynnt fyrir nefndarmönnum. Í mars verður skrifað undir skjal sem staðfestir þátttöku og innleiðingu. Stýrihópur verður skipaður með aðilum frá stofnunum bæjarins.  
• Gönguskíðabraut verður gerð þegar það kemur meiri snjór. Tæki í það verkefni eru til og vonandi verður hægt að gera braut á Hellissandi og Ólafsvík.  
• Lífshlaupið er að fara af stað. Íþrótta- og æskulýðsfulltrúi er búinn að vera að kynna það aðeins fyrir fyrirtækjum í bænum og hvetur alla til að taka þátt. Bæði lið og einstaklinga.  

• Undirbúningur er hafinn fyrir nýja rennibraut í sundlaugina auk þess er forgangsatriði að laga aðgengi að íþróttamannvirkjum. Verið er að skoða lyftu til þess að auka aðgengi ofan í laugina sjálfa fyrir fólk með skerta hreyfigetu.  
• Íþrótta- og æskulýðsfulltrúi hefur verið að skoða hreyfitæki til þess að setja utandyra. Umræður sköpuðust um hvort betra væri að setja þau á sáið og þá nokkur á eitt svæði eða hvort upprunalega hugmyndin um að setja þau á göngustíginn á milli Hellissands og Ólafsvíkur sé betri. Spurning hvernig framtíðar plön fyrir Sáið séu og hvort það myndi henta.  
• Íþrótta- og æskulýðsfulltrúi hefur fengið fjármagn til þess að festa kaup á upplýsingaskjáum fyrir íþróttamannvirki, rafmagnsvæða aðgengi að mannvirkjunum og til þess að kaupa skápa í karlaklefa sundlaugarinnar en það eru til skápar fyrir kvennaklefann.  
• Ungmennaráð hefur sótt um að vera með í Erasmus verkefni sem felur í sér að taka á móti krökkum á fræðsluþing auk þess að fara á fræðsluþing annars staðar. Kristfríður er þeim innan handar.  

2. Önnur mál 

• Ungmennafélagið hefur fengið 2 milljón króna styrk frá Snæfellsbæ til þess að setja á laggirnar rafíþróttadeild. Þau munu leigja búnað frá Elko til þess að byrja með. Húsnæðismál eru ennþá í vinnslu en munu vonandi skýrast á næstu dögum.  

Fundi slitið kl. 17:45.