Lýsulaugar eru staðsettar við Grunnskólann á Lýsuhóli í Staðarsveit. Vatnið í lauginni er náttúrulegt, heitt ölkelduvatn beint úr jörðu og sveiflast laugin frá því að vera 24 – 35 °C. Vatnið er mjög steinefnaríkt, m.a. mælist hátt magn af magnesíum og kalsíum í því. Grænn þörungur er í lauginni, „chlorella“ sem talinn er afar holl og græðandi. Engum efnum, svo sem klór, er blandað í vatnið.
Börnum yngi en tíu ára er óheimilt að fara í sund nema í fylgd með syndum einstaklingi sem er fimmtán ára eða eldri. Ábyrgðarmaður tekur fulla ábyrgð á barni og fylgir því alltaf hvort sem er í lauginni eða í pottunum.
Gjaldskylda fellur niður við 67 ára aldur og miðast við afmælisdag. Öryrkjar eru ekki gjaldskyldir gegn framvísun á skírteini Tryggingastofnunar ríkisins.
Afláttarkort gilda hvort tveggja í sundlaugina í Ólafsvík og Lýsulaugar.
Almennur opnunartími:
Lýsulaugar eru opnar alla daga frá 11:00 – 20:30 yfir sumartímann. Yfir vetrartímann er sundlaugin nýtt fyrir skólasund í Lýsuhólsskóla. Þegar veður leyfir er sundlaug opin um helgar og er það auglýst sérstaklega á Facebook-síðu Lýsulauga.
Til upplýsingar:
Lýsulaugar eru staðsettar við Grunnskólann á Lýsuhóli í Staðarsveit.
Sími: 433 – 9917
Forstöðumaður sundlaugar er Særós Freyja.
Hægt er að senda henni tölvupóst með því að smella hér.
