Heimgreiðslur

Snæfellsbær greiðir heimgreiðslur til foreldra/forráðamanna barna frá því að fæðingarorlofi lýkur og þar til barn fær innritun á leikskóla Snæfellsbæjar.

Hámarksupphæð vegna 8 klukkustunda gæslu er kr. 46.500.- á mánuði fyrir hvert barn.

Skilyrði fyrir heimgreiðslum:

• Heimgreiðslur eru háðar því að barn og foreldrar/forráðamenn séu með lögheimili og aðsetur í Snæfellsbæ.
• Umsókn um leikskólapláss í Snæfellsbæ liggur fyrir, staðfest af leikskólastjóra.
• Heimgreiðslur standa þeim eingöngu til boða sem ekki hafa fengið vistun fyrir barn sitt hjá dagforeldri með starfsleyfi eða í leikskóla.
• Hægt er að sækja um heimgreiðslur þegar barn hefur náð 12 mánaða aldri, eða þegar fæðingar- og foreldraorlofi lýkur.
• Heimgreiðslur falla niður þegar barn verður átján mánaða gamalt eða þegar það fær inngöngu í leikskóla í Snæfellsbæ.

Athugið að sækja þarf um heimgreiðslur í þjónustugátt Snæfellsbæjar.

Umsóknartímabilið er frá 20. til 19. hvers mánaðar og þarf umsókn því að hafa borist fyrir 20. hvers mánaðar til að greiðsla berist í upphafi næsta mánaðar.