Bæjarstjórn
Mætt:
Björn H Hilmarsson
Kristjana Hermannsdóttir
Rögnvaldur Ólafsson
Júníana B Óttarsdóttir
Fríða Sveinsdóttir
Svandís Jóna Sigurðardóttir
Kristján Þórðarson
Kristinn Jónasson, bæjarstjóri
Lilja Ólafardóttir, bæjarritari
Forseti bæjarstjórnar setti fund, bauð fundarmenn velkomna á þennan 300. afmælisfund bæjarstjórnar. Vildi hann koma á framfæri ánægju með afar góðar afmælisveitingat á fundinum. Var að svo búnu gengið beint til boðaðrar dagskrár.
Dagskrá bæjarstjórnarfundarins:- Fundargerðir 286., 287., 288. og 289. fundar bæjarráðs, dags. 14. júní, 6. júlí, 19. júlí og 21. ágúst 2017.
Fundargerðirnar voru allar teknar fyrir í einu og samþykktar samhljóða.
- Fundargerð 155. fundar menningarnefndar, dags. 17. ágúst 2017.
Varðandi fyrsta lið, þá mun bæjarstjórn koma því á framfæri við starfsfólk Átthagastofu að bóka engar sýningar í Átthagastofunni fyrstu helgina í júlí, því sú helgi hefur verið, og mun vera í náinni framtíð notað fyrir Snæfellsjökulshlaupið.
Varðandi annan lið, þá er það starfsmaður Átthagastofu sem hefur umsjón með Pakkhúsinu og á að sjá um dagsdaglegan rekstur þess.
- Fundargerð 107. fundar umhverfis- og skipulagsnefndar, dags. 31. ágúst 2017.
Liður 1 og liðir 3 til 16 voru samþykktir samhljóða.
Fríða vék af fundi undir afgreiðslu 2. liðar.
- liður fundargerðarinnar samþykktur samhljóða.
Fríða kom aftur inn á fund.
- Fundargerð 91. fundar stjórnar FSS, dags. 16. ágúst 2017.
Lagt fram til kynningar.
- Fundargerð 53. stjórnarfundar Jertúns, dags. 31. ágúst 2017.
Lagt fram til kynningar.
- Fundargerð 132. fundar stjórnar SSV, dags. 23. ágúst 2017.
Lagt fram til kynningar.
- Fundargerð 35. fundar stjórnar Samtaka sjávarútvegssveitarfélaga, dags. 15. ágúst 2017.
Lagt fram til kynningar.
- Fundarboð aukaaðalfundar Samtaka sjávarútvegssveitarfélaga þann 7. september, ásamt breytingum á samþykktum samtakanna.
Lagt fram til kynningar.
- Umsókn Guðrúnar Kristinsdóttur, dags. 18. ágúst 2017, um leyfi til náms samhliða starfi.
Erindið samþykkt samhljóða.
- Bréf frá Auðbjörgu Friðgeirsdóttur, dags. 16. ágúst 2017, varðandi félagsheimilið Röst.
Bæjarstjórn þakkar erindið og samþykkti að fela bæjarritara að svara erindinu á þeim nótum sem umræðan hefur verið á fundinum.
- Bréf frá Sýslumanninum á Vesturlandi, dags. 22. ágúst 2017, varðandi ósk um umsögn bæjarstjórnar um umsókn Fellas ehf., um leyfi til reksturs gististaðar í flokki III, stærra gistiheimili, sem reka á sem West Park Guesthouse að Gufuskálum, Snæfellsbæ.
Bæjarstjórn Snæfellsbæjar samþykkir fyrir sitt leyti ofangreinda umsókn Fellas ehf., um leyfi til að reka gististað í flokki III, stærra gistiheimili, sem reka á sem West Park Guesthouse að Gufuskálum, Snæfellsbæ, að því tilskildu að umhverfis- og skipulagsnefnd, slökkviliðsstjóri og yfirmaður tæknideildar gefi jafnframt jákvæða umsögn
- Bréf frá Jónasi Kristóferssyni og Bylgju Konráðsdóttur, dags. 23. ágúst 2017, varðandi aðgerðir vegna hraðaksturs við Ennisbraut í Ólafsvík.
Bæjarstjóri fór yfir málið, en Ennisbrautin er á ábyrgð Vegagerðarinnar. Búið er að ræða við forsvars-menn þar og verið er að leita leiða til að ná niður hraðanum. Bæjarritara var falið að svara erindinu á þeim nótum sem rætt var á fundinum.
- Bréf frá Sambandi íslenskra sveitarfélaga, dags. 21. ágúst 2017, varðandi fullnaðaruppgjör á lífeyrisskuldbindingum hjúkrunarheimila sem starfrækt eru á ábyrgð sveitarfélaga.
Bæjarstjórn samþykkti samhljóða að ganga frá samkomulagi á grundvelli þess sem fram kemur í erindinu og samþykkti jafnframt að gefa Kristni Jónassyni, bæjarstjóra, umboð til að ganga frá samkomulaginu fyrir hönd Snæfellsbæjar.
- Bréf frá Sambandi íslenskra sveitarfélaga, dags. 18. ágúst 2017, varðandi kostnaðarþátttöku sveitarfélaga vegna kjaramálavinnu sambandsins.
Lagt fram til kynningar.
- Bréf frá Mennta- og menningarmálaráðuneytinu, dags. 16. ágúst 2017, varðandi úttekt á Grunnskóla Snæfellsbæjar.
Bæjarstjórn staðfestir að umbótaáætlun sé lokið og telur bæjarstjórn að mjög vel hafi tekist til.
- Bréf frá Mennta- og menningarmálaráðuneytinu, dags. 17. ágúst 2017, varðandi úttekt á Leikskóla Snæfellsbæjar.
Bæjarstjóri sagði frá því að leikskólastjóri hafi þegar skilað umbótaáætlun leikskóla Snæfellsbæjar og telur bæjarstjórn að vel hafi tekist til með umbæturnar.
- Kostnaður vegna gervigrass á Ólafsvíkurvelli. Gögn lögð fram á fundinum.
Bæjarstjórn samþykkti samhljóða að fara í þá framkvæmd að setja gervigras á Ólafsvíkurvöll og byrja á útboði og framkvæmdum strax í haust. Bæjarstjórn samþykkti jafnframt að hafa starfshópinn um bætta aðstöðu til knattspyrnuiðkunar í samráði um framkvæmdina.
Bæjarstjórn samþykkti samhljóða að halda íbúafund nú á haustmánuðum þar sem farið verður yfir helstu framkvæmdir sem farið hefur verið í á undanförnu.
- Minnispunktar bæjarstjóra.
- Bæjarstjóri fór yfir staðgreiðsluyfirlit fyrstu 8 mánaða ársins.
- Bæjarstjóri fór yfir rekstraryfirlit stofnana fyrstu 6 mánuði ársins.
- Bæjarstjóri fór yfir framkvæmdir sumarsins.
- Bæjarstjóri fór yfir fjármál sveitarfélagsins.
- Bæjarstjóri sagði frá því að verið væri að auglýsa eftir markaðs- og kynningarfulltrúa fyrir Snæfellsbæ.
- Bæjarstjóri sagði frá því að rekstur tjaldstæðanna hefði gengið mjög vel í sumar.
Fleira ekki gert og fundi slitið kl. 18:40
____________________________
Björn H Hilmarsson
____________________________ ___________________________
Kristjana Hermannsdóttir Kristján Þórðarson
____________________________ ___________________________
Rögnvaldur Ólafsson Fríða Sveinsdóttir
____________________________ ___________________________
Júníana B Óttarsdóttir Svandís Jóna Sigurðardóttir
____________________________ ___________________________
Kristinn Jónasson, bæjarstjóri Lilja Ólafardóttir, bæjarritari