Íþrótta- og æskulýðsnefnd

Fundur 19. júní 2002 kl. 15:30 í Netagerð Aðalsteins

 

Mættir:

Guðbjörn Ásgeirsson

Þórey Kjartansdóttir

Aðalsteinn Snæbjörnsson

Fannar Thomsen

Alexander Kristinsson

Margrét S Ingimundardóttir, íþrótta- og æskulýðsfulltrúi

Boðað var til þessa fundar til að mæla með eftirmanni Margrétar sem íþrótta- og æskulýðsfulltrúa.  Bárust tvær umsóknir, önnur frá Sigurði Gíslasyni og hin frá Jóhönnu Scheving.  Mælti nefndin með Sigurði.  3 sögðu já, 2 sátu hjá þar sem þeir þekktu umsækjendur ekki nógu vel.

Síðan var kosið um formann og var Aðalsteinn einróma samþykktur af nefndarmönnum.  Beðið var með að kjósa ritara þar til á næsta fundi.

Í upphafi fundar las Guðbjörn Ásgeirsson bókun varðandi vinnubrögð við boðun fundarins:

Við undirritaðir fulltrúar J-listans í Íþrótta og æskulýðsnefnd mótmælum harðlega vinnubrögðum við boðun til fundar í nefndinni og förum fram á að þessum fundi verði frestað með tilliti til 55. greinar samþykktar um stjórn Snæfellsbæjar og fundarsköp við bæjarstjórn.  Einnig förum við fram á að framvegis verði farið að þeim reglum sem settar eru.

Virðingarfyllst,

Guðbjörn Ásgeirsson (sign)

Alexander Kristinsson (sign)

Þar sem erindi fundarins var brýnt var komist að samkomulagi um að halda fundingum áfram en framvegis yrði boðað til fundar eins og lög mæla fyrir.

Fleira ekki gert og fundi slitið

Aðalsteinn Snæbjörnsson (sign)

Guðbjörn Ásgeirsson (sign)

Alexander Friðþj. Kristinsson (sign)

Fannar P. Tomsen (sign)

Þórey Kjartansdóttir (sign)

Margrét S Ingimundardóttir (sign)