Rekstrarnefnd Félagsheimilisins Klif
Jensey Skúladóttir
Jenný Guðmundsdóttir
Lilja Ólafsdóttir
Páll Mortensen, húsvörður
1) Rætt var um fyrirhugað ball á gamlárskvöld og ákveðið að auglýsa það í Framfarafélagsblaðinu í næstu viku sem borið verður í hús á öllu nesinu. Einnig þarf að tala við aðila, t.d. Stefán í Vatnsholti um rútuferðir sunnan úr sveitum og frá Hellissandi og Rifi á ballið.
2) Húsvörður skilaði vinnuskýrslum og birgðatalningu af bar eftir Stuðmannaball í október. Rætt var um vinnutíma húsvarðar og var nefndin sammála um að þetta væri ekki reglulegur vinnutími frá 9 til 3 virka daga þar sem starfsemi félagsheimila fari yfirleitt fram á kvöldin og um helgar. Húsvörður þyrfti því að skipuleggja sinn vinnutíma með starfsemi hússins í huga.
3) Hringt var í Bjarna Hauk Þórsson til að athuga hvort hann væri ekki tilbúinn til að koma með sýningu á Hellisbúanum til Ólafsvíkur fljótlega. Hann ætlar að hafa samband en telur ekki ólíklegt að geta komið með sýningu strax eftir áramót áður en hann byrjar aftur sýningar í Reykjavík eftir jólafrí.
Fleira ekki gert og fundi slitið kl. 19:00
Jensey Skúladóttir
Jenný Guðmundsdóttir
Páll Mortensen
Lilja Ólafsdóttir