Stjórn Jaðars
- fundur í stjórn Jaðars þriðjudaginn 15.desember 2009 kl. 15:00
Sigrún H. Guðmundsdóttir formaður
Stefán J. Sigurðsson ritari
Sigurður A. Guðmundsson
Inga J. Kristinsdóttir forstöðumaður
Farið í skoðunarferð í nýbyggingu hjúkrunarheimilis Jaðars í fylgd Pálmars Einarssonar byggingarstjóra.
Pálmar úrskýrði væntanlegt fyrirkomulag á báðum hæðum og stöðu framkvæmda.
Húsið er orðið fokhelt.
Búið er að steypa hluta af gólfum og leggja þar hitalagnir, hafin er vinna við raflagnir og ísetning glugga vel á veg komin.
Utan húss er verið að setja upp leiðara og festa vatnsheldan krossvið, en utan á hann kemur sinkklæðning.
Þakklæðning er vel á veg kominn, búið að leggja pappa og bræða samskeyti þannig að pappinn verður vatnsheldur undir sinkklæðningu .
Nú er verið að ganga frá tengibyggingu og lyftuhúsi við gamla húsið og virðist það heppnast vel, einnig er verið að vinna við lagnir að húsinu og á næstu dögum verður hægt að setja hita á bygginguna, en nú er hitað upp með olíuofnum.
Stjórnin er ánægð með framkvæmdina og allt fyrirkomulag srm lofar góðu, bæði fyrir starfsfólk og vistmenn.
Fleira ekki tekið fyrir, fundi slitið kl. 16:00
Sigrún H. Guðmundsdóttir
Sigurður A. Guðmundsson
Inga Kristinsdóttir
Stefán J. +sigurðsson ritari.