Stjórn Jaðars
Mættir:
Sigrún Guðmundsdóttir formaður.
Stefán Jóh. Sigurðsson ritari.
Sigurður A. Guðmundsson.
Inga Kristinsdóttir
forstöðumaður.
Byggingarframkvæmdir:
Búið er að rífa Gimli og skipta um jarðveg undir viðbyggingu Jaðars.
Þess er vænst að byggingaframkvæmdir verði boðnar út næstu daga.
Framundan eru endurbætur á núverandi húsnæði, m.a. að skipta um gólfefni á efri hæð og eldhúsi.
Forstöðumaður sagði frá því að framvegis muni hún leggja fram fyrir bæjarstjórn áætlunargerð og annast umsjón með launakosnaði starfsfólks á Jaðri.
Forstöðumaður sagði frá því að rafmagn hafi farið af Jaðri vegna bilunar á dreifikerfi Rariks.
Vegna þessa hefði skapast vandamál vegna ljósleysis í íbúðum vistmanna og á göngum.
Þessi vandi hefur komið upp áður og 26. Júlí 2007 var bæjarstjórn Snæfellsbæjar sent bréf, þar sem fram kom eftirfarandi:
„Á fundi í stjórn Jaðars þann 24. Júlí 2007 var m.a. fjallað um þann vanda sem við er að fást á Jaðri, þega rafmagn fer af byggðarlaginu. Stjórnin telur nauðsynlegt að kanna á hvern hátt sé hægt að koma upp lítilli rafstöð eða öðrum búnaði til að tryggja ljósanotkun á Jaðri í slíkum tilfellum“.
Formanni stjórnar og forstöðumanni falið að eiga viðræður við tæknideild Snæfellsbæjar um málið.
Næsti fundur verður haldinn annan þriðjudag í desember n.k.
Fleira ekki tekið fyrir , fundi slitið kl. 17:00
Sigrún Guðmundsdóttir
Stefán Jóh. Sigurðsson
Sigurður A. Guðmundsson
Inga Kristinsdóttir