Umhverfis- og skipulagsnefnd

Gerð er óveruleg breyting á aðalskipulagi vegna frístundasvæða F-4 og F-5 á Arnarstapa, því bæjaryfirvöld hafa á liðnum árum aukið svigrúm varðandi stærð frístundahúsa. Fyrirhugað er að gera breytingu á deiliskipulagi til að auka svigrúm varðandi stærðir húsa sem standa við Móa, Lækjarbakka og Jaðar á Arnarstapa. Engar breytingar verða gerðar á aðalskipulagskorti en breytingar verða gerðar á texta þar sem fram kemur að hámarks nýtingarhlutfall í frístundabyggð F-4 og F-5 hækki úr 0.05 í 0.07 nema strangari ákvæði séu í deiliskipulagi.

Lögð er fram lýsing og matslýsing vegna fyrirhugaðrar breytingar deiliskipulags á frístundasvæðum F-4 og F-5 á Arnarstapa. Í deiliskipulagi verði gert ráð fyrir að heildar byggingarmagn á lóð verði að hámarki 140 fm. Frumdrög deiliskipulags kynnt samhliða.

Vegna athugasemdar Veðurstofu Íslands sem barst eftir fund umhverfis- og skipulagsnefndar 3. júní 2024 og eftir að auglýsingartíma lauk voru uppfærð gögn lögð fyrir bæjarráð. Bæjarráð í umboði bæjarstjórnar Snæfellsbæjar samþykkti á fundi sínum 20. júní 2024 að beina deiliskipulagstillögunni í lögbundið auglýsingarferli í samræmi við bókun umhverfis- og skipulagsnefndar á fundi 3. júní 2024. Breytt gögn vegna athugasemdar Veðurstofu Íslands kynnt.

Monika Dubaj sækir um leyfi fyrir gluggabreytingum á húsi sínu og bílskúr að Naustabúð 19 ásamt því að endurnýja glerskála.

Jóhanna Jóhannesdóttir sækir um leyfi til að breyta innra skipulagi á íbúð sinni á neðstu hæð að Hjarðartúni 10. Breytingin felst í færslu á eldhúsi, baðherbergi og einu barnaherbergi ásamt því að útbúa nýtt barnaherbergi. Einnig er sótt um stækkun á glugga sem snýr út í götu sem áður var baðherbergisgluggi en verður nú svefnherbergisgluggi. Stærð eftir stækkun verður 136x136 mm.

Kristinn Arnarson sækir fyrir hönd húsfélagsins að Bæjartúni 13 um leyfi fyrir breytingum á svölum og skyggni á suðurhlið hússins. Svalir á miðhæð stækka og sameinast skyggni yfir útidyrum í kjallara.

Hlynur Hafsteinsson sækir um stöðuleyfi fyrir 20 ft. gám til að hafa á lóð sinni á meðan á endurbótum á húsnæði sínu stendur og geyma í honum búslóð. Áætlaður verktími er 6 - 12 mánuðir.

Helga Jóhannsdóttir óskar eftir samþykki Snæfellsbæjar fyrir 150 cm hárri girðingu á lóðarmörkum Selhólls 11 og Selhóls 9 og á um 50 cm kafla meðfram götu.

- Staðan á sæluhúsinu á Fróðárheiði rædd



- Umræður um gámasvæðið á Rifi



- Smáhýsi í óleyfi rædd og vill nefndin skoða að tilkynna þurfi uppsetningu og staðsetningu þeirra til nefndarinnar.



- Óleyfisframkvæmdir ræddar. Tæknideild falið að senda bréf á viðkomandi aðila.