Barnamenningarhátíð Vesturlands í Snæfellsbæ

Snæfellsbær heldur hátíðina í samstarfi við Samtök sveitarfélaga á Vesturland, en hátíðin er eitt af áhersluverkefnum Sóknaráætlunar Vesturlands um blómlega byggð á Vesturlandi. Markmið Barnamenningarhátíðar er að efla menningarstarf fyrir börn og ungmenni og er þátttaka barna og ungmenna uppistaða hátíðarinnar. Hátíðin á að hvetja börn og ungmenni til virkrar þátttöku í menningarstarfi og veita þeim tækifæri til að njóta listar og menningar.

Vettvangur barnamenningarhátíðarinnar er Snæfellsbær allur verða fjölmargir viðburðir á dagskrá eins og sjá má í meðfylgjandi dagskrá.

--

• Listasýning leikskólabarna í Kassanum og Hraðbúðinni
• Listasýning Brimrúnar Birtu í Útgerðinni
• Smásögusamkeppni bæjarblaðsins Jökuls
• Stuttmyndasamkeppni Northern Wave Film Festival
• Börn borða frítt af barnamatseðli á REKS (með fullorðnum).

• Nemendur í 7. bekk í list- og verkgreinum mála listaverk í Líkn með listafólkinu Bjarna Sigurbjörnssyni og Ragnheiði Guðmundsdóttur, eigendum á Himinbjörgum. Umsjón í höndum Ingiríðar Harðardóttur myndmenntarkennara.

• Krakkaveldi með 2. - 5. bekk frá kl. 10:10 - 13:30
• Leikskólinn Kríuból heimsækir tónlistarskóla Snæfellsbæjar á Hellissandi kl. 10:30.
• Listasmiðjan Krakkaveldi fyrir áhugasama krakka í Frystiklefanum á Rifi frá kl. 15 - 16 (opið öllum börnum á Snæfellsnesi, foreldrar bera ábyrgð á að koma börnum í Frystiklefann).

• Brimrún Birta Friðþjófsdóttir heimsækir grunnskóla Snæfellsbæjar, kynnir sig og bókina sína, Gullna hringinn.
• Leikskólinn Krílakot heimsækir tónlistarskóla Snæfellsbæjar í Ólafsvík kl. 10:30.
• Listasmiðjan Krakkaveldi fyrir áhugasama krakka í Frystiklefanum frá kl. 15 - 17 og sýning fyrir foreldra í kjölfarið (opið öllum börnum á Snæfellsnesi, foreldrar bera ábyrgð á að koma börnum í Frystiklefann).

• Krakkabíó í Klifi kl. 16:00 - Ljósár m. íslensku tali. (börn á ábyrgð foreldra/forráðamanna).

• Dansworkshop fyrir 6 - 16 ára í íþróttahúsinu í Ólafsvík frá kl. 10 - 16. Skráning hjá Þórunni danskennara á thorunnylfa@gmail.com.

• Nemendur og kennarar tónlistarskóla Snæfellsbæjar halda tónleika fyrir íbúa á Dvalar- og hjúkrunarheimilinu Jaðri kl. 15:00.

• Jón Pétur heimsækir leik- og grunnskóla og verður með danskennslu.
• Nemendur og kennarar tónlistarskóla Snæfellsbæjar halda tónleika fyrir eldri borgara á Klifi kl. 14:00.
• Nemendur tónlistarskóla verða með tónlistaratriði í messu í Ólafsvíkurkirkju kl. 20:00.

• Jón Pétur heimsækir leik- og grunnskóla og verður með danskennslu.
• Nemendur í list- og verkgreinum mála listaverk í Líkn með listafólkinu Bjarna Sigurbjörnssyni og Ragnheiði Guðmundsdóttur, eigendum á Himinbjörgum. Umsjón í höndum Ingiríðar Harðardóttur myndmenntarkennara.

• Skemmtileg fjölskyldustund í Tröð á Hellissandi á Degi íslenskrar náttúru frá kl. 16 - 17. Bárðarleikar, fræðsla og náttúruskoðun með landverði Þjóðgarðsins Snæfellsjökuls. Fjölskyldustund sem gefur börnum á öllum aldri kost á að tengja við og upplifa náttúruna í leiki og fræðslu.
• Flugdrekasmiðja eftir hádegi í Áttahagastofu Snæfellsbæjar með Helen Sheptytska fyrir krakka á aldrinum 10 - 16 ára. Hvern hefur ekki dreymt um að búa til alvöru flugdreka? 
• Náttúrubingó leikskólabarna á Degi íslenskrar náttúru.

• Rappsmiðja með Reykjavíkurdætrum frá kl. 10 - 16. Rappsmiðjan er í boði fyrir 7 - 15 ára aldur. Skipt verður í hópa eftir aldri og nánari tímasetning auglýst þegar nær dregur.
• Ball með DJ Dóru Júlíu í Röstinni fyrir miðstig og unglingastig. Ball fyrir miðstig stendur frá kl. 19:00 - 20:30, ball fyrir unglingastig stendur frá kl. 21:00 - 00:00.

• Listfellsnes eru námskeið fyrir hressa og skemmtilega krakka sem hafa áhuga á því að læra leiklist, söng og dans. Listanámskeið fyrir 7 - 16 ára. Skipt verður í hópa eftir aldri. Skráning hjá Auði Snorradóttur í listfellsnes@gmail.com.
• Skemmtileg útivera og fjölskyldustund í fræðslugöngu um Djúpalón með landverði Þjóðgarðsins Snæfellsjökuls frá kl. 14 - 15. 

• Þorgrímur Þráinsson fer yfir helstu þætti skapandi skrifa með nemendum í öllum deildum grunnskóla Snæfellsbæjar.
• Barnasöguganga á Búðum með Sagnaseið Snæfellsness. Gangan hefst kl. 17:00 og stendur í ca. 1,5 klst. Sögufylgja mun leiða börn um Búðir. Skyggnst verður inn í sögur sem tengjast svæðinu í bland við það að þátttakendur leita uppi ummerki um horfna tíma, reyna fyrir sér í gömlum leikjum og upplifa náttúruna í friðlandinu. Muna að klæða sig eftir veðri.

• Jón Pétur heimsækir leik- og grunnskóla og verður með danskennslu.
• Þorgrímur Þráinsson fer yfir helstu þætti skapandi skrifa með nemendum í öllum deildum grunnskóla Snæfellsbæjar.
• Nemendur í 8. bekk í list- og verkgreinum fara í Hvíta húsið kl. 13:30 og heimsækja Mk MacNaughton, listakonu sem dvelur í Hvíta húsinu um þessar mundir. Hún verður með kynningu og listræn verkefni fyrir nemendur. Umsjón í höndum Ingiríðar Harðardóttur myndmenntarkennara.
• Nemendur tónlistarskóla verða með tónlistaratriði í messu í Ingjaldshólskirkju kl. 18:00.

• Jón Pétur heimsækir leik- og grunnskóla og verður með danskennslu.
• Leikfélagið Lauga tekur á móti skapandi og skemmtilegum krökkum í Átthagastofu frá kl. 16 - 18. Leiklist og leikir á dagskrá.

• Nemendur í 6. bekk í list- og verkgreinum fara í Hvíta húsið kl. 12:00 og heimsækja Mk MacNaughton, listakonu sem dvelur í Hvíta húsinu um þessar mundir. Hún verður með kynningu og listræn verkefni fyrir nemendur. Umsjón í höndum Ingiríðar Harðardóttur myndmenntarkennara.
• Leikskólakórinn heimsækir Dvalar- og hjúkrunarheimilið Jaðar og Ráðhús Snæfellsbæjar.

• Gleðiskruddan verður með fyrirlestra fyrir nemendur, foreldra og starfsfólk í grunnskóla Snæfellsbæjar.

• Gleðiskruddan verður með fyrirlestra fyrir nemendur, foreldra og starfsfólk í grunnskóla Snæfellsbæjar.
• Glímusamband Íslands tekur á móti nemendum í grunnskóla Snæfellsbæjar í íþróttatíma og stendur fyrir kynningu á helstu tökum í íslenskri glímu.

• Jón Pétur verður verður með danskennslu í leikskólanum.
• Sögustund með Sagnaseið Snæfellsnes í Tröð á Hellissandi kl. 16:30. Notaleg fjölskyldustund þar sem Ragnhildur Sigurðardóttir sögufylgja segir sögur fyrir börn og foreldra. Muna að klæða sig eftir veðri.

• Jón Pétur verður verður með danskennslu í leikskólanum.
• Sundlaugarpartý fyrir unglingastig frá kl. 18:30 - 20:00 í sundlauginni í Ólafsvík.

• Stuttmyndahátíð Northern Wave Film Festival í Frystiklefanum. Stuttmyndir sem berast í stuttmyndasamkeppninni sem stendur yfir hátíðina verða sýndar og áhorfendur kjósa um bestu stuttmyndina. Hér er hægt að senda inn myndir í samkeppnina.