Fjölbreytt og uppbyggileg sumarstörf hjá Snæfellsbæ

Snæfellsbær leitar að drífandi einstaklingum 18 ára og eldri til að starfa við fjölbreytta og skemmtilega útivinnu í sumar sem hefur það að leiðarljósi að fegra umhverfi Snæfellsbæjar.

Um er að ræða hvort tveggja útivinnu við Áhaldahús Snæfellsbæjar og flokkstjórn vinnuskólahópa.

Almennar kröfur fyrir sumarvinnu:

• 100% störf í þrjá mánuði, frá 15. maí 2025.
• Umsækjendur þurfa að vera 18 ára eða eldri.
• Umsækjendur þurfa að vera duglegir, áhugasamir um útivinnu, tóbakslausir, sjálfstæðir og góðar fyrirmyndir.
• Þekking á staðháttum í sveitarfélaginu er æskileg.

Umfram kröfur vegna flokkstjóra:

• Umsækjendur þurfa að vera færir um að stýra vinnuskólahópi og hafa áhuga á að vinna með og fræða ungmenni.
• Góð færni í íslensku.

Umsóknarfrestur er til 29. apríl 2025.

Ekki er tekið við umsóknum að umsóknarfresti liðnum. Umsóknir berist í gegnum ráðningarvef Snæfellsbæjar.