Fjöruferð á Malarrif á sunnudaginn

Í tilefni af degi íslenskrar náttúru þann 16. september og Strandmenningarhátíðar á Snæfellsnesi býður þjóðgarðurinn Snæfellsjökull, í samvinnu við Vör sjávarrannsóknarsetur, Hafrannsóknarstofnun og Svæðisgarðinn Snæfellsnes, í fjöruferð sunnudaginn 15. september.

Fjölskylduvæn fræðsla, fjör og útivist. Hvað finnum við í fjörunni? Er eitthvað að finna undir steinunum? Hvernig skyldu trjádrumbarnir í fjörunni komast þangað, er eitthvað gert við þá? Hvað finnum við í Salthúsinu?

Forvitnir krakkar á öllum aldri og forráðamenn hvattir til þess að koma.

Mæting við gestastofuna á Malarrifi kl:13:00.

Verið klædd eftir veðri og ekki verra að vera í stígvélum.

Viðburður á Facebook