Frístundaleiðbeinandi óskast í félagsmiðstöðina Afdrep

Snæfellsbær óskar eftir að ráða frístundaleiðbeinanda í 30% stöðugildi í félagsmiðstöðina Afdrep veturinn 2022 – 2023. Viðkomandi þarf að geta unnið á mánudögum og fimmtudögum.

Frístundaleiðbeinandi vinnur faglegt starf með börnum og unglingum.

Helstu verkefni:

• Skipuleggur starf félagsmiðstöðvar í samvinnu við íþrótta- og æskulýðsfulltrúa.
• Starfar með börnum og unglingum í félagsmiðstöðinni.
• Vinnur að forvörnum á breiðum grunni.
• Sækir viðburði með börnum/unglingum á vegum félagsmiðstöðvarinnar.

Hæfniskröfur:

• Reynsla af starfi með börnum og ungmennum er kostur.
• Góð íslensku og enskukunnátta í ræðu og riti.
• Umsækjandi þarf að hafa náð 20 ára aldri og hafa hreint sakarvottorð skv. 10. gr. æskulýðslaga (lög nr. 70/2007).
• Snyrtimennska, góð samskiptahæfni og rík þjónustulund.
• Heiðarleiki, stundvísi og umburðarlyndi.

Laun eru greidd skv. kjarasamningi Sambands íslenskra sveitarfélaga við viðkomandi stéttarfélag.

Upplýsingar veitir Kristfríður Rós Stefánsdóttir, íþrótta- og æskulýðsfulltrúi, í síma 433 9912 eða á kristfridur@snb.is.

Vinsamlega sendið umsóknir á ofangreint netfang.