Jólatónleikar Snæfellsbæjar 13. desember
Snæfellsbær heldur sína árvissu jólatónleika sunnudaginn 13. desember, þriðja sunnudag í aðventu.
Tónleikarnir fara fram með með breyttu sniði þetta árið sökum samkomutakmarkana og var ákveðið að færa tónleikana heim í stofu til fólks í stað þess að stuðla að hópamyndun meðal íbúa. Upptökur fóru fram í Ólafsvíkurkirkju þann 28. nóvember sl. og verða sýndir nk. sunnudag á Facebook-síðu Snæfellsbæjar.
Tónleikarnir gefa fólki kost á að eiga ljúfa og notalega kvöldstund sem hægt er að njóta í faðmi fjölskyldunnar og horfa á skemmtilega, lifandi og hátíðlega jólatónleika þar sem fjölmargir hæfileikaríkir íbúar stíga á svið.
Tónleikarnir eru sannkölluð „heimajól“ þar sem Snæfellsbæingar færa öðrum íbúum hina einu sönnu jólastemningu í aðdraganda jóla.
Fram koma:- Agnieszka Imgront
- Alda Dís Arnardóttir
- Anja Huld Jóhannsdóttir
- Davíð Svanur Hafþórsson
- Elena Makeeva
- Evgeny Makeev
- Hanna Imgront
- Hjörtur Sigurðarson
- Hrefna Jónsdóttir
- Lena Imgront
- Marek Imgront
- Nanna Þórðardóttir
- Olga Guðrún Gunnarsdóttir
- Sigurður Höskuldsson
- Stefanía Klara Jóhannsdóttir
- Veronica Osterhammer
Fólk er hvatt til að fylgjast með á Facebook þegar nær dregur. Svo þarf bara að tengja græjurnar...
Menningarnefnd Snæfellsbæjar hefur haft veg og vanda af skipulagi tónleikanna ásamt markaðs- og upplýsingafulltrúa.