Kvennahlaup ÍSÍ í Snæfellsbæ laugardaginn 13. júní

Sjóvá Kvennahlaup ÍSÍ verður hlaupið í Ólafsvík og Staðarsveit um helgina.

Hlaupið verður í Staðarsveit föstudaginn 12. júní og Ólafsvík laugardaginn 13. júní. Hlaup hefst kl. 11:00 á báðum stöðum. Í Ólafsvík er hlaupið frá Sjómannagarðinum og í Staðarsveit er hlaupið frá Lýsuhólsskóla.

Þetta er í 30. skiptið sem Kvennahlaupið er haldið í Ólafsvík.

Á þessum tímum er mik­il­vægt sem aldrei fyrr að hlúa að heils­unni og rækta sam­bandið við vini okkar og vanda­menn. Það er okkur því mikið ánægju­efni að geta haldið Kvenna­hlaupið 2020 þann 13. júní og þannig gefið öllum þeim konum sem vilja hlaupa saman kost á því.

Konur á öllum aldri á 80 stöðum á landinu taka þátt í Kvenna­hlaup­inu, allt frá litlum stelpum í kerrum til langamma þeirra. Hver kona tekur þátt á sínum for­sendum og allir eiga að geta fundið vega­lengd við sitt hæfi. Það er því engin tíma­taka í hlaup­inu heldur lögð áhersla á að hver komi í mark á sínum hraða, með bros á vör.

Forsala miða er á tix.is. 

Við vekjum at­hygli á því að í ár fer forsala miða í Kvenna­hlaupið eingöngu fram á tix.is. Einnig hægt að greiða á staðnum. Það er einnig hægt að panta Kvennahlaupsbol ársins á tix.is til kl. 22:00 í kvöld, miðvikudag. Það verður jafnframt hægt að kaupa Kvennahlaupsbol ársins í Ólafsvík á laugardaginn. Þá er einnig til­valið að nýta gamlan Kvenna­hlaups­bol til að hlaupa í aftur.

Kristall og Nivea-vörur fylgja þátttökugjaldi og einnig verður frítt í sund í sundlaug Snæfellsbæjar í Ólafsvík.

Hlaupum saman og höfum gaman. Tökum þátt!