Leikfangahappdrætti Lionsklúbba 23. og 24. desember
20.12.2023 |
Fréttir
Leikfangahappdrætti Lionsklúbbanna eru óneitanlega fastur liður í jólahaldinu hér í Snæfellsbæ og á fjölda heimila má segja að jólin komi ekki fyrr en farið hefur verið í Klif eða Röstina með nokkra miða í hönd og eftirvæntingu í farteskinu.
Leikfangahappdrætti Lionsklúbbs Nesþinga verður að vanda á Þorláksmessu og hefst kl. 17:00 í Röstinni á Hellissandi.
Happdrættismiðar eru seldir í Hraðbúðinni og Smiðjunni Fönix. Auk þess verður að hægt að kaupa miða í Röstinni frá kl. 16:00-17:00 á Þorláksmessu.
Leikfangahappdrætti Lionsklúbbs Ólafsvíkur verður haldið á aðfangadagsmorgun og hefst kl. 11:00 í Klifi í Ólafsvík.
Happadrættismiðar eru seldir í Versluninni Hrund, Voot, Sjoppunni og Kassanum.