Óskað eftir starfsmanni við ræstingar á Kríuból
Leikskólinn Kríuból auglýsir eftir ræstitækni. Um er að ræða 100% starf. Vinnutími 8:00-16:00. Starfið felur í sér þrif innan leikskólans, þvottur, aðstoð við uppvask og afleysing inn á deild. Starfið krefst sjálfstæðis og skipulagningar.
Viðkomandi þarf að geta hafið störf 1. október nk.
Í lögum um leikskóla nr. 90/2008 segir í 3. mgr. 6. gr: „Óheimilt er að ráða til starfa við leikskóla einstakling sem hlotið hefur refsidóm fyrir brot á ákvæðum XXII. kafla almennra hegningarlaga. Við ráðningu skal liggja fyrir sakavottorð eða heimild leikskólastjóra til að afla upplýsinga úr sakaskrá.“
Laun samkvæmt kjarasamningum Kjalar og Sambands íslenskra sveitafélaga.
Umsóknarfrestur er til og með 1. september 2022.
Leikskólastjóri áskilur sér rétt að ráða hvern sem er eða hafna öllum umsóknum.
Nánari upplýsingar veita Hermína K. Lárusdóttir leikskólastjóri og Linda Rut Svansdóttir aðstoðarleikskólastjóri í síma 433 6926 á milli kl. 9 - 14 alla virka daga eða á netfanginu leikskolar@snb.is.