Óskað eftir tillögum um Snæfellsbæing ársins 2019
13.05.2019 |
Fréttir
Menningarnefnd Snæfellsbæjar óskar eftir tillögum frá íbúum um Snæfellsbæing ársins 2019. Tillögur skulu berast eigi síðar en 10. júní 2019.
Að þeim tíma loknum fer menningarnefnd yfir niðurstöður og kynnir á hátíðarhöldunum þann 17. júní hver hlýtur nafnbótina Snæfellsbæingur ársins 2019.
Farið verður með aðsendar upplýsingar sem trúnaðarmál og ekki verður hægt að persónugreina innsendar tillögur. Athugið að það er ekki hægt að kjósa oftar en einu sinni í hverju tæki.
Mynd: Frá útnefningu árið 2016 þegar Sæmundur Kristjánsson var útnefndur Snæfellsbæingur ársins. Ljósm. af.