Tjaldsvæði Snæfellsbæjar hafa opnað fyrir sumarið
04.05.2023 |
Fréttir
Tjaldsvæðin í Ólafsvík og á Hellissandi hafa opnað fyrir sumarið 2023.
Tjaldsvæðin hafa verið vinsæl síðustu ár og hefur Snæfellsbær leitast eftir því að bæta sífellt þá aðstöðu og þjónustu sem finna má á tjaldsvæðunum.
Á tjaldsvæðunum má finna eftirfarandi þjónustur:
- Klósett (aðgengi fyrir fatlaða)
- Sturta (aðgengi fyrir fatlaða í Ólafsvík)
- Heitt og kalt vatn
- Eldunaraðstaða
- Vaskarými
- Úrgangslosun
- Rafmagn/rafmagnstenglar
- Internet
- Frisbígolfvöll
- Leikvellir fyrir börn
- Þjóðgarðsmiðstöð með aðgengi að klósettum allan sólarhringinn og upplýsingagjöf og þjónustu á opnunartíma (á Hellissandi)
Umsjón með tjaldsvæðum hafa Patrick Roloff og Rebekka Unnarsdóttir. Hægt er að hafa samband við þau í síma 844–6929.
Hér má sjá gjaldskrá fyrir sumarið 2023.