Vegur að Djúpalónssandi lokaður 12. - 22. september vegna framkvæmda

Vakin er athygli á meðfylgjandi tilkynningu frá Snæfellsjökulsþjóðgarði:

Vegna framkvæmda verður vegurinn niður að Djúpalónssandi lokaður allri umferð dagana 12. - 22. september.

Umhverfisstofnun stendur fyrir framkvæmdum á neðra bílastæði við Djúpalónssand þar sem malbikað verður ásamt því að bíla- og rútustæði verða merkt.

Við bendum áhugasömum á stikaða gönguleið (2 km) sem liggur frá efra bílastæði að Djúpalónssandi. Gönguleiðin er krefjandi og tekur um 45 mínútur aðra leið.

Einnig bendum við á góða áfangastaði við Svalþúfu og Malarrif en þar má finna gestastofu þjóðgarðsins, góð bílastæði og salernisaðstöðu.