Viðburðir í Snæfellsbæ um helgina

Mikið verður um að vera í Snæfellsbæ nú þegar desember gengur í garð og aðventan nálgast. Að vanda má gera ráð fyrir að  jólasveinar komi til byggða og skemmti börnum sem og fullorðnum á sunnudaginn. Þá má einnig nefna að nú um helgina hefjast jólahlaðborð og hátíðarmatseðlar á okkar frábæru veitingastöðum Hraun, Sker og Viðvík.

Með því að smella á tenglana hér fyrir neðan er hægt að skoða nánari upplýsingar um einstaka viðburði um helgina:

• Jólaþorp Snæfellsbæjar verður haldið í félagsheimilinu Klifi fimmtudaginn 28. nóvember frá kl. 17:00 - 22:00.
• Piparkökudagurinn verður haldinn í húsakynnum grunnskólans á Hellissandi og í Ólafsvík laugardaginn 30. nóvember frá kl. 9:00 - 13:00.
• Jólatónleikar með GÓSS í Ólafsvíkurkirkju laugardaginn 30. nóvember kl. 20:00.
• Ljósin tendruð á jólatrjám í Snæfellsbæ sunnudaginn 1. desember. Á Hellissandi kl. 16:30 og í Ólafsvík kl. 17:30.
• Aðventukvöld Kvenfélags Ólafsvíkur í Ólafsvíkurkirkju sunnudaginn 1. desember kl. 20:00
• Jólatónleikar fullorðinna nemenda tónlistarskóla Snæfellsbæjar í Ólafsvíkurkirkju mánudaginn 2. desember kl. 20:00.

Fyrir áhugasama um knattspyrnu má einnig benda á að um helgina verða leiknir þrír knattspyrnuleikir á Ólafsvíkurvelli.

• 4. flokkur karla leikur gegn Álftanesi á laugardaginn kl. 14:00.
• 5. flokkur karla leikur einnig gegn Álftanesi, sá leikur fer fram á sunnudaginn kl. 10:00
• 3. flokkur karla leikur gegn ÍBV á sunnudaginn kl. 13:00.