Skipulagsbreytingar á Hellnum - ítarefni af kynningarfundi 3. maí 2021

Í gær var haldinn opinn kynningarfundur á Teams þar sem tillaga að breytingu aðalskipulags Snæfellsbæjar á Hellnum var kynnt. Góð mæting var á fundinn og er fundargestum og hagsmunaaðilum þakkað fyrir þátttöku og sýndan áhuga.

Fyrirhuguð breyting varðar uppbyggingu ferðaþjónustu á landi Gíslabæjar, þar sem svæði fyrir verslun og þjónustu verði stækkað og svæði íbúðarbyggð minnkað. Einnig er landnotkun á lóð Melabúðar 1 breytt úr svæði fyrir frístundarbyggð í svæði fyrir íbúðarbyggð.

Minnt er á að hægt er að skila ábendingum vegna tillögunnar til sveitarfélagsins til og með 14. maí 2021. Vinsamlega sendið ábendingar á netfangið byggingarfulltrui@snb.is.

Hér fyrir neðan eru hlekkir á ítarefni af fundinum.

Viðhengi:

• Breyting aðalskipulags Snæfellsbæjar 2015-2031 Hellnar, vinnslutillaga
• Deiliskipulagstillaga ferðaþjónustu á Gíslabæ, Hellnum, vinnslutillaga
• Kynning frá fundi
• Upptaka af fundinum
• Fylgirit: Deiliskráning fornleifa á Gíslabæ á Hellnum
• Fylgirit: Húsakönnun fyrir deiliskipulagssvæði og nágrenni